Azərbaycan Respublikası Nazirlər Kabinetinin 25 fevral 2022-ci il tarixli 124s nömrəli Sərəncamı ilə təsdiq edilmiş “Şuşa ili” ilə bağlı Tədbirlər Planı”nın 10-cu bəndinin icrası, Azərbaycan Respublikası Prezidentinin 2022-ci ili “Şuşa ili” elan etməsi ilə əlaqədar Şuşa şəhərinin zəngin abidələrini, memarlıq komplekslərini, göz oxşayan füsünkar təbiətini uşaq və gənclərin yaddaşına həkk etdirmək, milli mədəniyyəti və incəsənəti təbliğ etmək, yeni istedadları üzə çıxarmaq, xüsusi bacarığa malik olan uşaq və gənclərin yaradıcılıq qabiliyyətlərini inkişaf etdirmək məqsədilə Azərbaycan Respublikası Təhsil Nazirliyinin 29.03.2022-ci il tarixli, F-148 nömrəli əmrini rəhbər tutaraq

        əmr edirəm:

1.2022-ci ilin aprel ayında  2 mərhələ( şəhər və zona) üzrə məktəblilər arasında “Şuşa ili”nə həsr olunmuş “Könlüm keçir Qarabağdan” adlı şəhər incəsənət festival-müsabiqəsi keçirilsin.

2. Məktəblilər arasında “Şuşa ili”nə həsr olunmuş “Könlüm keçir Qarabağdan” adlı şəhər incəsənət  festival-müsabiqəsi  haqqında  Əsasnamə  təhsil  müəssisələrinə çatdırılsin.

3. Məktəblilər arasında  “Könlüm keçir Qarabağdan” adlı  incəsənət  festival-müsabiqəsinin şəhər Təşkilat Komitəsi və Münsiflər heyətinin tərkibi təsdiq edilsin (əlavə olunur).

4. Təhsil müəssisələrinin rəhbərləri festival-müsabiqənin yüksək səviyyədə  təşkili və keçirilməsini  təmin etsinlər.

5. Məktəblilər arasında festival-müsabiqəsinin şəhər mərhələsinə  təşkilati-metodik köməlklik göstərilməsi  1 nömrəli Uşaq-Gənclər İnkişaf  Mərkəzinə tapşırılsın.

6. Şəhər Təhsil Şöbəsi festival-müsabiqə qaliblərinin rəğbətləndirilməsini təmin etsin.

7. Əmr və Əsasnaməninn təhsil müəssisələrinə çatdırılması, şöbənin internet səhifəsində yerləşdirilməsi aparıcı məsləhətçi Reyhanə Rüstəmovaya  və “Sumqayıt  təhsili-Sabah” qəzetində dərc olunması metodist Kəmayıl Namazova tapşırılsın.

8. Əmrin icrasına nəzarət metodik kabinetin direktoru Gülbahar Haqverdiyevaya həvalə olunsun.

Əsas:  Azərbaycan Respublikası Təhsil Nazirliyinin 29.03.2022-ci il tarixli, F-148 nömrəli əmri.

Arzu Alızadə

Sumqayıt şəhər Təhsil Şöbəsinin müdiri

31 mart 2022-ci il

F-11