Hörmətli həmkarlar! Respublika fənn olimpiadalarının respublika mərhələsinin yarımfinal turu 07.04.2018-ci il tarixində saat 10:00-da keçiriləcəkdir. Respublika təşkilat komitəsi tərəfindən Sumqayıt şəhəri 31 nömrəli tam orta məktəb olimpiada imtahan mərkəzi olaraq müəyyənləşdirilmişdir. 

Xatırladırıq ki, Respublika fənn olimpiadalarının respublika mərhələsinin yarımfinal turunda iştirak etmək hüququ qazanan şagirdlər iştirakını təsdiq etmək üçün www.olimpiada.edu.az saytında aşağıdakı ardıcıllıqla qeydiyyatdan keçməlidirlər:

1. www.olimpiada.edu.az
2. Respublika Fənn Olimpiadaları
3. Qeydiyyat

Qeydiyyat müddəti 15.03.2018-27.03.2018 tarixləri arsında müəyyənləşdirilmişdir. Yarımfinal turunda iştirak etmək hüququ qazanan şagirdlərin adlı siyahısını qoşmada verilmişdir. Şagirdlər haqqında məlumatlar sistemə sizə göndərilən cədvəldə yazıldığı kimi daxil olunmuşdur. Ona görə də şagirdlər qeydiyyatdan keçərkən ad,soyad və ata adını cədvəldə eyni ilə olduğu kimi yazmalıdırlar. Əks təqdirdə qeydiyyatdan keçmələri mümkün olmayacaqdır.

Qeydiyyatdan keçən hər bir şagird imtahana buraxılış vərəqəsini çap etdirməli və imtahana özləri ilə gətirməlidirlər.

Yarımfinal turunda informatika fənni üzrə iştirak edəcək şagirdlər üçün imtahan 07.04.2018-ci il tarixində saat 10:00-da Bakı şəhərində Bakı Mühəndislər Universitetində təşkil olunacaqdır. İnformatika fənnindən qeydiyyat onlayn olmayacaq. Yarımfinal turunda informatika fənni üzrə iştirak edəcək şagirdlərin adlı siyahısı da əlavədə verilmişdir. 

İmtahanda iştirak edəcək şagirdlər imtahan yerinə 09:30-dan gec olmayaraq gəlməlidirlər.

Məktubla tanış olmağınızı və şagirdlərin məlumatlandırılmasını təmin etməyinizi xahiş edirik.

http://sumgayit.edu.gov.az/upload/file/sumgayit/YARIMFINAL_SIYAHI.pdf