Prezident İlham Əliyev və birinci xanım Mehriban Əliyeva Kəlbəcər və Laçın rayonlarına səfər ediblər.

Dövlət başçısı və birinci xanım Toğanalı-Kəlbəcər avtomobil yolu üzərində Murovdağda inşa olunacaq tunelin təməlini qoyub, Kəlbəcər Kiçik Su Elektrik Yarımstansiyasında görülən işlərlə tanış olublar.

Daha sonra “Kəlbəcər” yarımstansiyasının açılışını ediblər. Səfər çərçivəsində dövlət başçısı Kəlbəcər-Laçın avtomobil yolu üzərində inşa olunacaq tunelin və Laçın Beynəlxalq Hava Limanının təməlini qoyub.

Daha sonra Prezident İlham Əliyev Kəlbəcər şəhərində dövlət bayrağını ucaldıb və burada çıxış edib.

Kəlbəcər şəhərindəki N saylı hərbi hissədə yaradılan şəraitlə tanış olan dövlət başçımız Kəlbəcərdə yerləşən “İstisu” sanatoriyasına da baş çəkib. Həmçinin O, Kəlbəcər-Laçın rayonunun Minkənd yolunun çəkilməsi işləri ilə də tanış olub..