Məlum olduğu kimi, "Kapital Bank" ASC, "Paşa Həyat Sığorta" ASC-nin sponsorluğu, Təhsil Nazirliyi, Sumqayıt Şəhər İcra Hakimiyyəti, Sumqayıt Şəhər Təhsil Şöbəsi, "Azərikimya" İstehsalat Birliyinin dəstəyi və "Sumqayıt" Futbol Klubunun təşkilatçılığı ilə Sumqayıt məktəbliləri üçün "Yay Futbol Düşərgəsi" layihəsinə start verilib.

İyulun 8-də düşərgənin ikinci turu başa çatıb. Düşərgəyə qatılan şagirdlər maraqlı oyunlar oynayıblar. Futbol, voleybol oynayan, həmçinin pianinoda ifa edən məktəblilər vaxtlarını əyləncəli keçiriblər.

Xatırladaq ki, 1 iyul tarixində başlayan layihə 9 gün müddətində 3 qrup üzrə keçiriləcək. Ümumilikdə, bu layihədə Sumqayıtda yerləşən 48 məktəb və liseyin tədris ilində fərqlənən 100-dən artıq oğlan və qız şagirdi iştirak edir. Düşərgənin ilk qrupunda iştirak edən şagirdlər “Vətən müharibəsi”ndə şəhid və qazi olan igid əsgərlərimizin övladlarıdır.