24-25 iyun 2021-ci il tarixində Sumqayıt şəhər Təhsil Şöbəsinin təşkilatçılığı ilə Respubublika Fənn Olimpiadalarının qalibləri “Yay məktəbi” ndə yuxarı sinif şagirdləri ilə görüşüblər.

Texniki və təbiət elmləri liseyinin məzunu Azərbaycan dili və ədəbiyyat fənni üzrə fənn olimpidasının qızıl medalçısı Günel Niyazova, eləcə də 21 nömrəli tam orta məktəbin məzunu eyni fənn üzrə fənn olimpiadasının gümüş medalçısı Fuad Quliyev və fənn olimpiadasının biologiya fənni üzrə iştirakçısı Maksim Ağayev Sumqayıt şəhər 21 və 30 nömrəli tam orta məktəbdə yuxarı sinif şagirdləri ilə görüşüb və iştirakçılarla qarşılıqlı fikir mübadiləsi aparıblar.

 Onlar olimpiadada qazandığı uğurlardan bəhs edərək öz şəxsi təcrübələrini məktəblilərlə bölüşüblər. Görüş iştirakçılarını maraqlandıran suallar məzunlar tərəfindən cavablandırılıb.

 Tarix fənni üzrə fənn olimpiadasında 1-ci yerin sahibi, həmçinin Sumqayıt şəhərində keçirilən şahmat oyunlarında qalib olan 2 nömrəli tam orta məktəbin məzunu Uğur İlyaslı 5 nömrəli tam orta məktəbdə VII və VIII sinif şagirdləri ilə görüşdə olimpiadalara hazırlıq prosesindən danışıb, uğur sirrini onlarla bölüşüb.

Sonda şagirdlərin “Yay məktəbi” ilə bağlı fikirləri öyrənilib. Onlar “Yay məktəbi” ndə keçirilən məşğələlərdə zəif bildikləri fənləri dərindən öyrəndiyini, eləcə də vaxtlarını səmərəli dəyərləndirdiklərini söyləyiblər.